Sport24.az
2024-cü il Olimpiadasından sonra karyerasının bitirən ukraynalı güləşçi Jan Belenyuk Parisdə keçirilən Oyunlar zamanı saatının oğurlandığını deyib. Sport24.az xəbər verir ki, idmançı 2016-cı ildə Rioda da belə halla üzləşdiyini qeyd edib.
"Olimpiadanın xoşagəlməz anlarından biri də saatımın oğurlanması oldu. Bəzi oğlanların pullarını və şəxsi əşyalarını oğurlayıblar. Çox güman ki, bunu Olimpiya kəndində təmizlikçilər edib. Uçuşa az qaldığı üçün hay-küy salmağa vaxt yox idi", deyə Belenyuk instaqramda yazıb.
Qeyd edək ki, 33 yaşlı veteran güləşçi 2016-cı ildə Livtada keçirilən Avropa çempionatının qalibi olmaqla yanaşı, 2020-ci ildə Yaponiyada baş tutann Yay OLimpiya oyunlarında da fəxri kürsünün zirvəsində qərarlaşıb.
