İdman.biz
"Bu yarışa yaxşı hazırlaşmışdım. İstanbula gedəndə də məqsədim lisenziya qazanmaq idi. Şükürlər olsun ki, bunu bacardım".
İdman.biz xəbər verir ki, bunu Heydər Əliyev Beynəlxalq Aeroportunda qarşılama mərasimində jurnalistlərə açıqlamasında Azərbaycanın yunan-Roma güləşçisi Murad Məmmədov (60 kq) deyib.
Türkiyənin İstabul şəhərində Paris-2024 Yay Olimpiya Oyunlarına lisenziya qazanan idmançı xoşbəxt olduğunu bidlrib: "Olimpiadada 2 güclü rəqibim olacaq. Bunlar Qırğızıstan və Yaponiya güləşçiləridir. 3 aya yaxın bir vaxt var. Bu müddət ərzində həm taktiki, həm texniki baxımdan işləyəcəm və onlara da qalib gələcəm. 60 kq-da özümü yaxşı hiss etdim. 1,5 il idi çəki salmırdım, 66 kq-da güləşirdim. Bədənim və beynim dincəlmişdi. Bu çəkidə güləşdiyim zaman hər şey yaxşıdır".
Qeyd edək ki, Murad Məmmədovla yanaşı, Rafiq Hüseynov (87 kq) və Sabah Şəriəti (130 kq) də İstanbulda lisenziyaya sahib olub.
Emin Ağa
İdman.biz
