İdman.biz
"4 çəkinin 3-də çempion olmaq böyük nəticədir. Bu məşqçilər, idmançılar, federasiya bir sözlə desək hamının ortaq əməyi var".
İdman.biz xəbər verir ki, bunu Azərbaycanın yunan-Roma güləşi üzrə millisinin baş məşqçisi Aleksandr Tarakanov deyib.
Mütəxəssis Albaniyanın paytaxtı Tiranada keçirilən qeyri-olimpiya növləri üzrə dünya çempionatında qazanılan 3 qızıl medalı yüksək dəyərləndirib. O, gələcək hədəflər barəsində də fikir bildirib: "İndi bizdə güclü komanda yığılır. U-23-də yaxşı gənc güləşçilərimiz var. Onlar gələcəkdə milli komandada yaxşı rəqabət yaradacaqlar. Uşaqlar güclüdür. İndi biz Olimpiya çəkilərinə diqqəti artıracağıq. Bizdə indi də qitə birinciliklərində çempionlar var. Amma elə bir heyət quracağıq ki, hamı bizə qarşı çətinlik çəkəcək. İnanıram ki, Los-Anceles Olimpiya Oyunlarından da biz bu sevinc və gözəl əhval-ruhiyyə ilə qayıdacağıq. Azərbaycan bütünlüklə güləşi sevir və izləyir. Azarkeşlərimizi gələcəkdə də sevindirəcəyik".
Qeyd edək ki, mundialda 3 qızıl medal qazanan yığmamız 85 xalla dünya çempionu olub.
Emin Ağa
İdman.biz
