İdman.biz
Azərbaycan yığması güləş üzrə U-23 Avropa çempionatlarında yubiley çempionluğunu qazanıb.
İdman.biz xəbər verir ki, Jalə Əliyevanın əldə etdiyi qızıl medal millimizin tarixində 30-cu olub.
O, Bakıda keçirilən qitə çempionatında fərqlənib. Jalə 57 kq çəkidə bütün rəqiblərinə qalib gəlib.
Millimiz bu çempionluqlardan 4-nü Bakıdakı yarışda əldə edib. Güləş yığmamız 2015-ci ildən təşkil olunan yarışda əvvəlki illərdə 26 çempionluq yaşayıb.
Qeyd edək ki, Azərbaycan U-23 Avropa çempionatlarındakı qızıl medal sayında 2-cidir. Yalnız Rusiya daha çox – 53 uğura sahibdir.
Vüqar Xeyrullayev
İdman.biz
