Sport24.az
Mariya Stadnik Paris-2024 Yay Olimpiya Oyunlarına lisenziya qazanıb.
Sport24.az xəbər verir ki, qadın güləşi üzrə Azərbaycan millisinin lideri dördilliyin ən mötəbər yarışına vəsiqəni İstanbulda keçirilən Dünya Olimpiya Təsnifat Turnirində əldə edib.
O, Paris-2024-ə vəsiqə üçün son şansından yararlanıb. 50 kq çəkidə çıxış edən idmançımız bürünc medal uğrunda bolqarıstanlı Miqlena Selişkaya tam üstünlüklə (10:0) qalib gəlib. O, lisenziya uğrunda görüşdə isə italiyalı Emanuela Liuzzi ilə qarşılaşıb və bu dueli də vaxtından əvvəl aktivinə yazıb – 10:0.
