Idman.biz
Cəbrayıl Hacıyev (79) yarımfinalda belaruslu olimpiya və Avropa mükafatçısı Maqamedxabib Kadimaqamedova 1:5 hesabıyla məğlub oldu və sabah bürünc medal uğrunda güləşəcək.
18:59
Azərbaycanın sərbəst güləşçisi İslam Bazarqanov (57 kq) gürcüstanlı Roberti Dinqaşviliyə tam üstünlüklə (11:1) qalib gələrək Avropa çempionatının finalına yüksəldi.
15:24
Azərbaycanın sərbəst güləşçisi İslam Bazarqanov (57 kq) Albaniyanın paytaxtı Tiranada keçirilən Avropa çempionatında uğurlu çıxış edib.
İdman.Biz xəbər verir ki, idmançımız belaruslu Aryan Tiutrinə (UWW) 9:4 hesabı ilə qalib gələrək yarımfinala yüksəlib.
Güləşçimiz Cəbrayıl Hacıyev (79 kq) də yarımfinal mərhələsində mübarizə aparacaq.
Digər təmsilçimiz Kənan Heybətov (70 kq) isə 1/4 finalda ukraynalı Oleksey Borutaya 2:7 hesabı ilə məğlub olub.
Qeyd edək ki, Azərbaycanın sərbəst güləşçisi İslam Bazarqanov (57 kq) Albaniyanın paytaxtı Tiranada keçirilən Avropa çempionatının yarımfinalında Gürcüstan təmsilçisi Roberti Dinqaşvili ilə qarşılaşacaq.
Digər təmsilçimiz Cəbrayıl Hacıyev (79 kq) isə eyni mərhələdə Maqamedxabib Kadimaqamedov (UWW) ilə üz-üzə gələcək.
Avropa çempionatının yarımfinal qarşılaşmaları yerli vaxtla saat 18:45-də İctimai TV-də yayımlanacaq. Yarış aprelin 26-da başa çatacaq.
14:51
Azərbaycanın sərbəst güləşçisi Cəbrayıl Hacıyev (79 kq) Albaniyanın paytaxtı Tiranada keçirilən Avropa çempionatında uğurlu çıxış edib.
İdman.Biz xəbər verir ki, idmançımız slovakiyalı Avropa çempionu və dünya mükafatçısı Axsarbek Qulayevə 7:2 hesabı ilə qalib gələrək yarımfinal mərhələsinə yüksəlib.
Digər təmsilçimiz Rəşid Babazadə (65 kq) isə 1/4 finalda rusiyalı Bəşir Maqomedova 2:7 hesabı ilə məğlub olub.
Qeyd edək ki, Avropa çempionatı aprelin 26-da başa çatacaq.
14:08
Azərbaycanın sərbəst güləşçisi Osman Nurmaqomedov (97 kq) Albaniyanın paytaxtı Tiranada keçirilən Avropa çempionatında mübarizə aparıb.
İdman.Biz xəbər verir ki, idmançımız təsnifat mərhələsində Gürcüstanın olimpiya və dünya mükafatçısı, üçqat Avropa çempionu Givi Matçaraşviliyə 2:3 hesabı ilə məğlub olub.
Avropa çempionatı aprelin 26-da başa çatacaq.
13:11
Azərbaycanın sərbəst güləşçisi Rəşid Babazadə (65 kq) Albaniyanın paytaxtı Tiranada keçirilən Avropa çempionatında qələbə qazanıb.
İdman.Biz xəbər verir ki, idmançımız Almaniya təmsilçisi Niko Megerleyə 3:1 hesabı ilə qalib gəlib.
Beləliklə, R.Babazadə 1/4 final mərhələsinə yüksəlib.
Avropa çempionatı aprelin 26-da başa çatacaq.
09:19
Bu gün Azərbaycanın beş sərbəst güləşçisi Albaniyanın paytaxtı Tiranada keçirilən Avropa çempionatında mübarizəyə başlıyacaq.
İdman.Biz xəbər verir ki, İslam Bazarqanov (57 kq), Rəşid Babazadə (65 kq), Kənan Heybətov (70 kq), Cəbrayıl Hacıyev (79 kq) və Osman Nurmaqomedov (97 kq) xalça üzərinə çıxaraq qüvvələrini sınayacaqlar.
Eyni zamanda, gün ərzində Azərbaycanın daha üç qadın güləşçisi də bürünc medal uğrunda qarşılaşmalara çıxacaq. Jalə Əliyeva (57 kq), Ruzanna Məmmədova (62 kq) və Birgül Soltanova Avropa çempionatında üçüncü yer uğrunda mübarizə aparacaqlar.
Xatırladaq ki, daha əvvəl yunan-Roma güləşçilərindən Həsrət Cəfərov (67 kq) və Qurban Qurbanov (82 kq) qızıl, Rəşad Məmmədov (55 kq), Nihat Məmmədli (60 kq), İslam Abbasov (87 kq) bürünc medal qazanıblar. Azərbaycanın yunan-Roma güləşi millisi komanda hesabında birinci olub. Qadınlardan isə Günay Qurbanova (59 kq) bürünc mükafata sahib çıxıb.
Qeyd edək ki, Avropa çempionatı aprelin 26-da başa çatacaq.
