Idman.biz
Güləş üzrə Azərbaycan çempionatı bir sıra məsələlər ətrafında geniş müzakirələrə səbəb olub. Bu məsələlərdən biri də Azərbaycan Güləş Federasiyasının yarışların idarə olunmasına əcnəbi hakimləri cəlb etmək qərarıdır.
Bu addım nə dərəcədə əsaslandırılmışdır?
İdman.Biz bu sualla Azərbaycan güləşi tarixinin ən nüfuzlu hakimlərindən biri, 2012-ci il Olimpiya Oyunlarının "Qızıl fit" mükafatının sahibi Hicran Şərifova müraciət edib.
"Ola bilsin, bu qərar kimlərisə narahat edir, amma mən onu yalnız alqışlayıram. Birincisi, bu, beynəlxalq dərəcəli hakimlərimizin üzərindəki yükü azaldır. Çünki onların sayı bizdə o qədər də çox deyil. İkincisi, qalmaqalların və narazılıqların sayı xeyli azalır: rəqib tərəflər anlayırlar ki, əcnəbi hakimlər neytraldır, tərəflərdən hər hansı biri ilə dostluq və ya "kəndçilik" əlaqələri yoxdur. Nəhayət, üçüncüsü, bu, bizim hakimlərə digər ölkələrdən olan həmkarları ilə peşəkar əlaqələr qurmağa kömək edir. Onlar artıq bir-birini rəqib kimi deyil, dost münasibətli silahdaşlar kimi görürlər. Beynəlxalq səviyyəli yarışlarda bu amil az rol oynamır", - deyə Hicran Şərifov bildirib.
