Idman.biz
"Ötən il həm karyeramda, həm də şəxsi həyatımda önəmli oldu".
Bunu İdman.biz-ə dünya və Avropa çempionu Hacı Əliyev deyib.
34 yaşını qeyd edən tanınmış güləşçi bildirib ki, ötən il onun üçün mühüm hadisələrlə yadda qalıb: "Təəssüf ki, Paris-2024 Yay Olimpiya Oyunlarında medal qazana bilmədim. Olimpiadadan sonra karyeramı bitirdim. Bu da mənim üçün olduqca mühüm hadisədir. Ancaq karyeranı bitirmək o demək deyil ki, mən dayanacam. Gələcəkdə başqa işlər görüb digər sahələrdə də ölkəmizi layiqincə təmsil etmək istəyirəm. Hazırda federasiyamız tərəfindən yeni təyinatımı gözləyirəm. Yəqin ki, bu yaxınlarda şad xəbəri hamımız eşidərik".
Əliyev ad günlərinin onun üçün böyük əhəmiyyət kəsb etmədiyini vurğulayıb: "Doğum günləri uşaq yaşlarında daha maraqlı olurdu. Ancaq yaş keçdikcə bu bir qədər dəyişir. Sözsüz ki, əksər xanımlar üçün bu gün həmişə maraqlı olur, ancaq kişilər haqqında eynisini demək olmaz. Əsas odur ki, ad günü olanda dostlar, qohumlar, tanışlar tək qoymur, bir-birindən gözəl təbriklər yazırlar. Doğum günü münasibətilə məni təbrik edən hər kəsə təşəkkür edirəm".
Qeyd edək ki, 3 dəfə Dünya və 4 dəfə Avropa çempionu olan güləşçimiz, eyni zamanda iki dəfə Olimpiya mükafatçısı adını qazanıb.
Aytac Sahəd
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
