Sport24.az
"Kəpəz"in yetirməsi, 13 yaşlı qızlar komandasının üzvü Mədinə Kərimova həm də güləşlə məşğul olur. Sport24.az xəbər verir ki, o, bu günlərdə Astarada keçirilən 15 yaşlıların Azərbaycan birinciliyinin 42 kq çəki dərəcəsində qalibi olub.
Əsas komandanın üzvləri məşqdə çempionla görüşüb, xatirə şəkli çəkdiriblər. Baş məşqçi Azər Bağırov kollektiv adından Mədinəni təbrik edərək qarşıdakı yarışlarda uğurlar arzulayıb.
Kərimova 8 ildi güləşlə məşğuldu. Bu müddətdə bir sıra şəhər və respublika miqyaslı turnirlərin qalibi və mükafatçısı olub. Futbolu da sevən Mədinə son 2 ildə akademiyamızda, Rafiq Qurbanovun məşq qrupunda milyonların sevimli idman növünün sirlərini öyrənir. U-13 Liqasındakı oyunlarda "Kəpəz"in şərəfini qoruyur.
