İdman.biz
"İkinci yerə layiq görüldüm. Bizi dəstəkləyən hər kəsə minnətdarlığımı bildirirəm".
İdman.biz xəbər verir ki, bunu Azərbaycan millisinin güləşçisi Esra Məmmədli (57 kq) deyib.
Yeniyetmə idmançı Bəhreynin paytaxtı Manamada keçirilən Gimnaziadada ikinci yeri tutmasına münasibət bildirib. O, qızıl medal üçün nəyin çatmadığını da açıqlayıb: "Qız güləşçilər arasında böyük nəticə qazandıq. Üç medal əldə etdik. Sevinirəm ki, Vətənə əli boş qayıtmadım. Bəzi səhvlər oldu. Bunların da üzərində çalışıb gələn yarışlarda daha yaxşı nəticələr üçün əlimdən gələni edəcəm".
Qeyd edək ki, Nəzrin Əhmədli (43 kq) bütün rəqiblərinə qalib gələrək çempion olub. Fatimə Bayramova (53 kq) isə bürünc medala sahib olub.
Emin Ağa
İdman.biz
