İdman.biz
"Özümü yaxşı hiss edirəm".
Bunu İdman.bizə Azərbaycan millisinin yunan-Roma güləşçisi Eldəniz Əzizli ( 55 kq) deyib.
O, uzun fasilədən sonra iştirak edəcəyi Macarıstanın paytaxtı Budapeştdə keçiriləcək reytinq seriyalı turnir barədə fikirlərini açıqlayıb. Titullu pəhləvan bildirib ki, artıq ciddi zədəsi yoxdur: "Güləşdə 2-3 aylıq fasilə uzun bir müddət sayılır. Səhhətim yaxşıdır. Ciddi zədəm yoxdur. Bizi oktyabrda gözləyən dünya çempionatından əvvəl bu turnir mənim üçün önəmli məna kəsb edir. Buna görə məşqçilər heyətinin qərarı ilə bu addımı atdıq. Ürəyim istədiyi kimi formamda deyiləm, amma 70-80 faiz əvvəlki formamı yığmışam. Düşünürəm ki, bu yarış üçün kifayət edər. Lakin tam formamı dünya çempionatına kimi geri qaytaracam. Hər yarışda tam formada olmalıyıq. Vəziyyət ümumilikdə normaldır. Əlimizdən gələni edib, çalışmışıq. Ümid edirəm ki, yaxşı olacaq".
Qeyd edək ki, bu gün start götürən turnir 4 gün davam edəcək.
Banuçiçək Hüseynli
İdman.biz
