İdman.biz
Albaniyanın paytaxtı Tiranada qeyri-olimpiya çəkiləri üzrə dünya çempionatına bu gün yekun vurulacaq.
İdman.biz xəbər verir ki, mundialda 4 çəki dərəcəsi üzrə mükafatçılar bəlli olacaq.
Azərbaycan güləşçiləri 4 çəki dərəcəsinin hər birində medal şansını qoruyur. Onlardan 3-ü finalda, 1-i isə təsəlliverici görüşdə qüvvəsini sınayacaq.
Dünya çempionatı
Yunan-Roma güləşi
5️5️ kq
Üçqat dünya çempionumuz Eldəniz Əzizli növbəti titul uğrunda xalçaya çıxıb. O, Azərbaycan tarixinə düşmək üçün iranlı Poya Marza ilə qarşılaşıb. Eldəniz xalların keyfiyyətinə görə (1:1) qalib gələrək 4-cü dəfə dünya çempionatında qızıl medal qazanıb.
6️3️ kq
Nihat Məmmədli finalda qazaxıstanlı Yerjet Jarlikassinlə münasibətinə aydınlıq gətirəcək.
7️2️ kq
Ülvü Qənizadə final görüşünə çıxacaq. O, qızıl medallar uğrunda fransalı İbrahim Qanemlə qarşılaşacaq.
8️2️ kq
Qurban Qurbanov da medal şansını davam etdirir. O, təsəlliverici görüşdə özbəkistanlı Jalqasbay Berdimuratovla güləşib. Qurbanov rəqibinə 5:0 hesabı ilə qalib gələrək bürünc medal uğrunda görüşə vəsiqə qazanıb.
Qeyd edək ki, mundailda bu gün qadın güləşçilər mübarizəyə başlayacaq.
İdman.biz
