İdman.biz
İordaniyanın paytaxtı Ammanda keçirilən güləş üzrə U-17 dünya çempionatına bu gün yekun vurulacaq.
İdman.biz xəbər verir ki, mundialın son günündə sərbəst güləşçilər axırıncı 5 dəst medalın sahibini müəyyənləşdirəcəklər.
Azərbaycan millisinin 2 idmançısı da mükafat uğrunda gücünü yoxlayacaq.
U-17 dünya çempionatı
Sərbəst güləş
4️5️ kq
Yarımfinalda məğlub olan Rəvan Həsənzadə bürünc medal uğrunda görüşdə rəqibini gözləyir. O, Leon Manov (Şimali Makedoniya) – Bekzat Amangeldi (Qazaxıstan) cütünün qalibi ilə üz-üzə gələcək.
6️0️ kq
Hüseyn İsmayılov çempionluq döyüşünə çıxacaq. Güləşçimiz finalda qırğızıstanlı Omurbek Asan Uulu ilə münasibətinə aydınlıq gətirəcək.
Qeyd edək ki, sərbəst güləşçilərimizdən Hüseyn Hüseynov (55 kq) və Muxamad Qantemirov (110 kq) bir gün öncə bürünc medal qazanıb.
İdman.biz
