İdman.biz
Albaniyanın paytaxtı Tiranada U-23 dünya çempionatı davam edir.
İdman.biz xəbər verir ki, mundialda bu gün sərbəst güləş üzrə 5 çəki dərəcəsində mükafatçılar bəlli olacaq.
Azərbaycan millisinin iki güləşçisi qızıl, ikisi bürünc medal uğrunda mübarizə aparacaq.
U-23 Dünya çempionatı
Sərbəst güləş
6️1️ kq
Ruslan Abdullayev finalda Başir Maqomedovla (AİN) üz-üzə gəlib. 0:4 hesabıyla məğub olan təmsilçimiz U-23 dünya çempionatını gümüş medalla başa vurub.
7️4️ kq
Cəbrayıl Qadjiyev təsəlliverici görüşdə İsmet Çiftçiyə 11:3 hesabı ilə qalib gəlib. O, bürünc medal uğrunda İsmail Xaniyevlə (AİN) güləşib. 8:6 hesabıyla hesabı ilə qələbə qazanan Qadjiyev bürünc medal qazanıb.
8️6️ kq
Arseniy Djioyev qızıl medal uğurunda mübarizə aparıb. Finalda Arslan Baqayevlə (AİN) qarşılaşan və 3:6 hesabı ilə uduzan təmsilçimiz ikinci yeri tutub.
1️2️5️ kq
Yarımfinalda məğlub olan Aydın Əhmədov bürünc medal görüşündə Volodimir Koçanovla (Ukrayna) münasibətinə aydınlıq gətirəcək.
Qeyd edək ki, mundialda yunan-Roma güləşçilərimizdən Rəşad Məmmədov (55 kq) gümüş, Nihat Quluzadə (60 kq) ilə Xasay Həsənli (77 kq) bürünc medal qazanıb. Qadın güləşçilərimizdən Jalə Əliyeva (57 kq) isə dünya çempionu olub.
İdman.biz
