Dünya çempionatı: Səmədov yarımfinalda

Bu gün İspaniyanın Pontevedra şəhərində güləş üzrə U-20 dünya çempionatı start götürüb.

İdman.biz xəbər verir ki, yarışın ilk günündə yunan-Roma güləşçiləri mübarizəyə qoşulublar.

5 pəhləvanımız xalça üzərinə çıxlb.

U-20 dünya çempionatı
Yunan-Roma güləş

5️5 kq
Təsnifat mərhələsi
Rahim Həsənov ilk görüşdə çexiyalı Filip Bartoşiki sınağa çəkib. 8:0 hesabı ilə qalib gələn güləşçimiz növbəti Hassan Mohammed Alharthi ilə görüşdə də çətinlik çəkməyib - 11:1. Rahim 1/4 finalda Ali Abdullah Ahmadi Vafaya uduzub (1:6).

6️3 kq
Təsnifat mərhələsi
Məhəmməd Şükürzadə ilk olaraq bolqarıstanlı Hristo Valentinovdan üstün olub (7:0). 1/8 finalda çinli Jiyu Vanqı çətinliklə məğlub edən (2:1) təmsilçimiz uğurunu 1/4 finalda davam etdirə bilməyib. O, Erzu Zakriyevə (AİN) 4:9 hesabı ilə uduzub.

77 kq
Təsnifat mərhələsi
Təsnifat mərhələsində mübarizəyə başlayan Davud Məmmədov moldovalı Aleksandru Soloveu ilə üz-üzə gəlib və 0:8 hesabı ilə mübarizəni dayandırıb.

87 kq
1/8 final
Cocu Səmədov mübarizəyə 1/8 finaldan qoşulub. O, əvvəlcə serbiyalı Andriya Mihayloviçi (5:1), sonra ermənistanlı Ruben Gevorgyanı (3:1) məğlub edib. Səmədov yarımfinalda Temirlan Turdakinlə (Qazaxıstan) qarşılaşacaq.

130 kq
1/8 final
Məzaim Mərdənov ilk görüşdə Marko Supiçə (Serbiya) 2:0 hesabı ilə qalib gəlib. Təmsilçimiz növbəti cəhddə uğursuz olub. O, iranlı Abolfazi Qulamhüseyn Fathitazangiyə uduzub.

Qeyd edək ki, Azərbaycan yığması mundialda 25 idmançı ilə təmsil olunacaq. Dünya çempionatına sentyabrın 8-də yekun vurulacaq.

İdman.biz