İdman.biz
Albaniyanın paytaxtı Tiranada qeyri-olimpiya çəkiləri üzrə dünya çempionatında bu gün qadın güləşçilərin mübarizəsinə start verilib.
İdman.biz xəbər verir ki, 4 çəkidə medallar uğrunda mübarizə gedir.
Azərbaycan güləşçiləri bu çəki dərəcələrindən 2-də təmsil olunur.
Dünya çempionatı
Qadın güləşi
59 kq
1/8 finaldan yarışa qoşulan Alyona Kolesnikin rəqibi braziliyalı Ana Luiza Pereyraya tam üstünlüklə (16:6) qalib gələrək 1/4 finala yüksəlib. Lakin o növbəti mərhələdə məğlub olub. Monqolustanlı Tserençimed Sukii 9:0 hesabı ilə qalib gəlib.
65 kq
Elis Manolova təsnifat mərhələsində Natalya Gizelə (Polşa) sonuncu xal prinsipinə əsasən (1:1) qalib gələrək 1/8 finala yüksəlib. O, daha sonra rumıniyalı Ekaterina Zelenıxa 0:11 hesabı ilə uduzub.
Qeyd edək ki, mundiala oktyabrın 31-də yekun vurulacaq.
İdman.biz
