İdman.biz
Albaniyanın paytaxtı Tiranada qeyri-olimpiya çəkiləri üzrə dünya çempionatı davam edir.
İdman.biz xəbər verir ki, bu gün mundialda sərbəst güləşçilər mübarizəyə başlayacaq.
Azərbaycan güləşçiləri 4 çəki dərəcəsində xalçaya çıxacaqlar.
Dünya çempionatı
Sərbəst güləş
61 kq
Nurəddin Novruzov 1/8 finalda Peter Luis Hammer (Kosta Rika) – Ahmet Duman (Türkiyə) cütünün qalibi ilə üz-üzə gələcək.
70 kq
Kənan Heybətov ilk mərhələdə Maniş Qoşvamiyə (Hindistan) tam üstünlüklə (10:0) qalib gələrək 1/8 finala vəsiqə qazanıb.
79 kq
Orxan Abasov startda ermənistanlı Arman Avaqyanla güləşəcək.
92 kq
Abubakr Abakarov ilk qarşılaşmasında Redjeb Haydari ilə (Şimali Makedoniya) münasibətinə aydınlıq gətirib. Təmsilçimiz tam üstünlüklə (10:0) qalib gələrək 1/8 finala yüksəlib.
Qeyd edək ki, mundialda yunan-Roma güləşçilərimizdən Eldəniz Əzizli (55 kq), Nihat Məmmədli (63 kq) və Ülvü Qənizadə (72 kq) qızıl medal qazanıb.
İdman.biz
