İdman.biz
Albaniyanın paytaxtı Tiranada güləş üzrə U-23 dünya çempionatı davam edir.
İdman.biz xəbər verir ki, yarışın altıncı günündə sərbəst güləşçilərin mübarizəsi davam edir.
Azərbaycan millisinin 5 idmançısı medallar uğrunda mübarizəyə qoşulacaq.
57 kq
Vasif Bağırov ilk mərhələdə ermənistanlı Manvel Xndzrtsyanla üz-üzə gələcək.
65 kq
Rəşid Babazadənin ilk rəqibi Alibeq Saigidgusein (Bəhreyn) olacaq.
70 kq
Maqommed Bəşir Xanıyev ilk olaraq Muhammad Abdurahmanovlu məğlub etməyə çalışacaq.
79 kq
Ali Cokayev təsnifat mərhələsində mübarizəyə başlayacaq. O, ilk olaraq Arjan Danaj (Albaniya) ilə qarşılaşacaq.
97 kq
Aslan Abakarov ilk görüşdə iranlı Mahdi Moharamalini yolundan kənarlaşdırmağa səy göstərəcək.
Qeyd edək ki, mundialda yunan-Roma güləşçilərimizdən Rəşad Məmmədov (55 kq) gümüş, Nihat Quluzadə (60 kq) ilə Xasay Həsənli (77 kq) bürünc medal qazanıb. Qadın güləşçilərimizdən Jalə Əliyeva (57 kq) isə dünya çempionu olub.
İdman.biz
