İdman.biz
İordaniyanın paytaxtı Ammanda güləş üzrə U-17 dünya çempionatı davam edir.
İdman.biz xəbər verir ki, mundialda bu gün sərbəst güləş üzrə ilk mükafatçılar bəlli olacaq.
Azərbaycan millisinin 3 idmançısı da medal uğrunda xalçaya çıxacaq.
U-17 dünya çempionatı
Sərbəst güləş
5️5️ kq
Yarımfinalda məğlub olan Hüseyn Hüseynov bürünc medal görüşünə çıxacaq. O, ermənistanlı Qaqik Xazaryanla üz-üzə gələcək.
8️0️ kq
Məhəmməd Abbaszadə təsəlliverici görüşlərdə öncə qırğızıstanlı Qanbat Tserenpuntsaqı, ardınca hindistanlı Vevik Veviki məğlub edib. Güləşçimiz 3-cü yer uğrunda Artur Kostyukla (Ukrayna) qarşılaşacaq.
1️1️0️ kq
Təsəlliveri görüşdə Yaraslav Koxanı (AİN) məğlub edən Muxamad Qantemirov bürünc medal uğrunda yarışacaq. Onun rəqibi gürcüstanlı Qiqia Lukunidze olacaq.
Qeyd edək ki, sərbəst güləş üzrə digər 5 çəkidə qaliblər sabah bəlli olacaq.
İdman.biz
