İdman.biz
Bakıda keçirilən güləş üzrə U-23 Avropa çempionatı bu gün başa çatacaq.
İdman.biz xəbər verir ki, yarışın son günündə sərbəst güləşçilər daha 5 çəkidə mükafatçıları müəyyənləşdirəcəklər.
Azərbaycan millisinin heyətində 3 idmançı xalçaya çıxacaq. Onlardan biri final, digər ikisi bürünc medal uğrunda mübarizə aparacaq.
Sərbəst güləş
74 kq
Cəbrayıl Qadjiyev finalda Kamil Abdulvahabovla (AİN) qarşılaşıb. Rəqibini məğlub edən güləşçimiz Avropa çempionu tituluna yiyələnib.
61 kq
Yarımfinalda məğlub olan Nürəddin Novruzov 3-cü yer uğrunda güləşib. O, Yaqor Rudauskiyə (AİN) qalib gələrək, bürüncə sahib çıxıb.
86 kq
Arseniy Djioyev (86 kq) bürünc medal uğrunda finlandiyalı Miko Elkalayla mübarizə aparacaq.
Qeyd edək ki, sərbəst güləşçilərimizdən Kənan Heybətov (70 kq) və Ali Tsokayev (79 kq) bir gün öncə gümüş medal qazanıblar.
İdman.biz
