Sport24.az
İyunun 24-dən 30-dək Serbiyanın Novi Sad şəhərində güləş üzrə U-17 Avropa çempionatı keçiriləcək. Sport24.az xəbər verir ki, qitə birinciliyində hər 3 güləş növü üzrə Azərbaycan milliləri iştirak edəcək.
Yarışın ilk günlərində yunan-Roma güləşçilərimiz gücünü sınayacaq. Heyətdə Nicat İsgəndərli (45 kq), Əmrah Əmrahov (48 kq), Turan Daşdəmirov (51 kq), Əli Nəzərov (55 kq), Ayxan Cavadov (60 kq), İspəndiyar İmanov (65 kq), Yusif Əhmədli (71 kq), Orxan Hacıyev (80 kq), Səid Paşayev (92 kq) və Mikayıl İsmayılov (110 kq) yer alıb.
Daha sonra qızlar mübarizəyə qoşulacaq. Nəzrin Əhmədli (40 kq), İlkanə Bayramova (46 kq), Esra Məmmədli (49 kq), Fatimə Bayramova (53 kq), Fidan Babayeva (57 kq), Günay Qurbanova (61 kq) və Zəhra Kərimzadə (69 kq) döşək üzərinə çıxacaqlar.
Yarışa sərbəst güləşçilər yekun vuracaq. Böyük məşqçi Əsgərxan Novruzov və məşqçilər Rövşən Hacıyevlə Vahid Məmmədovun rəhbərliyi altında Fəqan Fətiyev (45 kq), Hacıhüseyn Əhmədzadə (48 kq), Muhamməd İsmayılov (51 kq), Hüseyn Hüseynov (55 kq), Hüseyn İsmayılov (60 kq), İsa Yusibov (65 kq), Qəzənfər Kazımlı (71 kq), Məhəmməd Abbaszadə (80 kq), Fərhad Süleymanlı (92 kq) və İsmayıl Kərimov (110 kq) fəxri kürsüdə yer almağa çalışacaq.
Avropa çempionatında I-S kateqoriyalı hakim Sədi Quliyev və I kateqoriyalı referi Zaur Şərifov ədaləti qoruyacaq.
