İdman.biz
Serbiyanın Novi Sad şəhərində keçirilən güləş üzrə U-17 Avropa çempionatında sərbəst güləşçilər mübarizəyə qoşulub.
İdman.biz xəbər verir ki, Azərbaycan 3 güləşçisi finala yüksəlmək şansı qazanıb.
48 kq çəki dərəcəsində yarışan Hacıhüseyn Hüseynov türkiyəli Eren Yalçınla qarşılaşıb. Görüş rəqib idmançının 6:0 hesbalı qələbəsi ilə başa çatıb. Hacıhüseyn bürünc uğrunda mübarizə aparacaq.
İsa Yusibov (65 kq) yarımfinalda Rati Revazaşvili (Gürcüstan) ilə qüvvəsini sınayıb. 10:4 hesabı ilə qalib gələn təmsilçimiz finala vəsiqə qazanıb.
Muxamad Qantemirov (110 kq) yarımfinalda Uğur İrtegünlə (Türkiyə) ilə üz-üzə gəlib. Gərgin mübarizədə 8:7 hesabı ilə qalib gələn güləşçimiz adını finala yazdırıb.
Qeyd edək ki, həlledici görüşlər sabah baş tutacaq.
İdman.biz
