Idman.biz
Gələn ay Bolqarıstanın paytaxtı Sofiyada keçiriləcək bədii gimnastika üzrə yeniyetmələr arasında dünya çempionatında iştirak üçün Azərbaycan da daxil olmaqla 72 ölkənin komandası qeydiyyatdan keçib.
İdman.biz-in məlumatına görə, iyunun 18-22-də təşkil ediləcək yarışda gimnastlar səkkiz mükafat dəsti uğrunda - dördü fərdi, üçü qruplar arasında, həm də komanda çempionatında - mübarizə aparacaqlar.
Yeri gəlmişkən, dünya çempionatında fərdi çoxnövçülük yarışı olmayacaq. Gimnastlar yalnız müxtəlif növlərdə yarışacaqlar və hər hərəkətdə bir ölkədən yalnız bir idmançı çıxış edə bilər.
Azərbaycan komandasının ilkin heyətində on gimnast (dörd fərdi gimnast və bir qrup) yer alıb. Hələlik müraciətlər ümumi xarakter daşıyır və iştirakçı idmançıların adları daha sonra açıqlanacaq.
Təşkilat Komitəsi üçüncü dəfə keçiriləcək yeniyetmələr arasında dünya çempionatında iştirakçı komandaların rekord sayda olduğunu açıqlayıb. 2019-cu ildə keçirilən ilk yarışda 61 ölkədən idmançılar çıxış edibsə, 2023-cü ildə bu rəqəm 60-a çatıb və qarşıdakı turnirdə isə həmin göstəricinin yenilənəcəyi gözlənilir.
İdman.biz
