Idman.biz
Bədii gimnastika üzrə Azərbaycan komandası Bolqarıstanın Burqas şəhərində keçirilən Avropa kubokunda dörd gümüş və bir bürünc medal qazanıb.
İdman.biz xəbər verir ki, final günündə idmançılarımız üç dəfə fərqləniblər.
Yeniyetmələrin yarışında Fidan Qurbanlı gürzlərlə ikinci, Şəms Ağahüseynova isə lentlə eyni nəticəni göstərib.
Nəzrin Abdullayeva, Ayan Nəsirova, Nəzrin Salmanlı, Mədinə Abbaslı, Şəms Müvəffəqi və Nilufər Orucludan ibarət yeniyetmələr qrupu beş halqa ilə hərəkətdə bürünc medal qazanaraq fəxri kürsüyə yüksəlib. Bundan əvvəl onlar çoxnövçülükdə ikinci olublar.
Ləman Əlimuradova, Darya Sorokina, Yelizaveta Luzan, Güllü Ağalarzadə, Kamilla Əliyeva və Sofiya Məmmədovadan ibarət böyüklər qrupu üç top və iki halqa ilə hərəkətdə gümüş medal qazanıb.
İdman.biz
