Sport24.az
Martın 20-23-də Türkiyənin Antalya şəhərində keçiriləcək idman gimnastikası üzrə Dünya kubokunun Təşkilat Komitəsi iştirakçı komandaların heyətlərini açıqlayıb. Sport24 xəbər verir ki, yarışda Azərbaycan idmançıları da iştirak edəcəklər.
Heyətə 6 gimnast - Nikita Simonov, İvan Tixonov, Rəsul Əhmədzadə, Murad Ağarzayev, Nazənin Teymurova və Dəniz Əliyeva daxildir.
İştirakçıların çoxnövçülükdə deyil, yalnız fərdi yarışlarda mübarizə aparacağı Antalya turniri Dünya kuboku seriyasının üçüncü mərhələsi olacaq. Keçən həftəsonu Almaniyanın Kottbus şəhərində başlayan mübarizə martın 6-9-da Bakıda davam edəcək.
