Sport24.az
Futzal üzrə AVRO-2026-nın əsas mərhələsinin mayın 30-da keçiriləcək püşkatması ərəfəsində səbətlər açıqlanıb. Sport24.az xəbər verir ki, reytinq cədvəlinin 16-cı pilləsində qərarlaşan Azərbaycan millisi 3-cü səbətdə yer alıb və qrupunun ikinci komandası olacaq.
Final mərhələsi Latviya və Litvada keçiriləcək turnirdə iştirak üçün mübarizə aparacaq 40 komanda 10 qrupa bölünəcək.
1-ci səbət (qrupunun 4-cüsü): Albaniya, Norveç, Yunanıstan, Türkiyə, Kipr, İsveçrə, Bolqarıstan, Andorra, Malta, Avstriya;
2-ci səbət (qrupunun 3-cüsü): Belarus, Moldova, Belçika, Şimali Makedoniya, Almaniya, İsveç, Monteneqro, Kosovo, İngiltərə, Danimarka;
3-cü səbət (qrupunun 2-cisi): Niderland, İtaliya, Çexiya, Rumıniya, Azərbaycan, Gürcüstan, Slovakiya, Macarıstan, Ermənistan, Bosniya və Herseqovina;
4-cü səbət (qrupunun 1-cisi): Portuqaliya (son qalib), İspaniya, Qazaxıstan, Ukrayna, Xorvatiya, Finlandiya, Fransa, Polşa, Sloveniya, Serbiya.
Qeyd edək ki, əsas mərhələdə oyunlar ev-səfər prinsipi ilə keçiriləcək. Qrup qalibləri birbaşa final mərhələsinə yüksələcək. Ən yaxşı göstəriciyə malik 8 qrup ikincisi isə pley-off (ev-səfər) oyunlarında üz-üzə gələcək.
