Lent.az
"Qarabağ"ın qapıçısı Şahruddin Məğomedəliyev bildirib ki, komanda Çempionlar Liqasında Qazaxıstanın "Kayrat" klubunun çıxışlarını izləyir.
Lent.az xəbər verir ki, o, rusiyalı idman müxbiri ilə söhbətində Qazaxıstan klubuna azarkeşlik etdiklərini deyib:
"Əlbəttə, biz "Qarabağ"da "Kayrat"ın Çempionlar Liqasındakı oyunlarını izləyirik və ona azarkeşlik edirik. Bu çox gözəldir: uşaqlar üçün böyük təcrübədir".
"Kayrat" ümumi mərhələnin startında iki məğlubiyyət alıb: Lissabonun "Sportinq"indən (1:4) və Madridin "Real"ından (0:5). "Qarabağ" isə iki qələbə qazanıb — "Benfika"ya (3:2) və "Kopenhagen"ə (2:0) qalib gəlib.
Məğomedəliyev Mahaçqalada anadan olub, Dağıstan futbolunun yetirməsidir.
