İdman.biz
19 yaşadək futzalçılar AVRO-2025-in yeri bəlli olub.
İdman.biz xəbər verir ki, final mərhələsi 2025-ci ildə keçiriləcək Avropa çempionatına Moldova ev sahibliyi edəcək.
Bu qərarı UEFA İcraiyyə Komitəsi verib. Oyunlar gələn il sentyabrın 28-dən oktyabrın 5-dək "Kişinyov Arena"da keçiriləcək. Bu idman qurğusu 2022-ci ilin dekabrında istifadəyə verilib, 5000 tamaşaçı tutumuna malikdir.
4-cü dəfə təşkil olunacaq qitə birinciliyinin seçmə oyunlarının da tarixləri açıqlanıb. Oktyabrın 31-də seçmə mərhələlərin püşkü atılacaq.
İlkin mərhələnin oyunları gələn il yanvarın 21-dən 26-dək, əsas mərhələnin görüşləri isə martın 25-30-da keçiriləcək.
Qeyd edək ki, Azərbaycanın U-19 yığması əvvəlki illərdə mübarizəyə əsas mərhələdən başlayıb. Komandaların yeni mövsümə hansı mərhələdən başlayacağı reytinq cədvəli əsasında müəyyənləşəcək.
İdman.biz
