Idman.biz
Bu gün futzal üzrə Azərbaycan millisi Gürcüstan yığması ilə ikinci yoldaşlıq görüşünü keçirəcək.
İdman.Biz xəbər verir ki, Yevgeni Kukseviçin rəhbərlik etdiyi komanda yenidən Tbilisidə meydanda olacaq. Qarşılaşma İdman Sarayında saat 14:00-da start götürəcək.
Xatırladaq ki, tərəflər arasında aprelin 9-da keçirilən ilk oyunda ev sahibi Gürcüstan 4:2 hesabı ilə qalib gəlmişdi.
Azərbaycan millisi daha sonra aprelin 13 və 15-də Qazaxıstanın Aktau şəhərində iki yoldaşlıq görüşünə çıxacaq.
