İdman.biz
"Komanda da hazırda əhval-ruhiyyə çox yüksək səviyyədədir. Vitali Barisov gözəl kollektiv yığıb".
Bunu İdman.bizə Azərbaycan millisinin futzalçısı Emil Həsənzadə deyib.
O, Bosniya və Herseqovina yığması ilə keçirəcəkləri yoldaşlıq oyun öncəsi fikirlərini açıqlayıb. Həsənzadə bildirib ki, komandada artıq futzalçılar bir-birilə çox yaxşı anlaşırlar: "Hazırlıq matçları vacibdir. Biz də bu görüşdə komandanın durumunu görəcəyik. Avropa çempionatının seçmə mərhələsinə qısa müddət qalıb. İlk matçımızı İsveç yığmasına qarşı keçirəcəyik. 3 gündən sonra rəsmi oyun öncəsi son yoxlama görüşünə çıxacağıq. Çalışıb, qələbə qazanmalıyıq ki, inamımızı yüksəldək. Əsas niyyətimiz budur. Millidə cavan oyunçular çoxdur. Bizə bir az zaman lazımdır".
Qeyd edək ki, Azərbaycan millisi Bosniya və Herseqovina ilə noyabrın 4-də və 5-də yoxlama görüşü keçirəcək.
Banuçiçək Hüseynli
İdman.biz
