Idman.biz
Dünya Minifutbol Federasiyası Bakıda keçirilən dünya çempionatında pilot layihəyə start verib.
İdman.biz xəbər verir ki, bu layihə çərçivəsində Azərbaycan – Sloveniya (4:0) oyununun hakimlərinə bədənə taxılan kameralar yerləşdirilib.
Bu təşəbbüs şəffaflığın artırılmasına, hakimlərin inkişafına dəstək verilməsinə və azarkeşlərin oyuna daha yaxından qoşulmasına yönəlib. Pilot proqram azarkeşlərə və tamaşaçılara oyunu hakimin gözü ilə izləmək imkanı yaradaraq unikal bir baxış bucağı təqdim edir.
Dünya çempionatının direktoru Nemania Lyumoviç bu yenilikçi pilot təşəbbüsə dəstək verdiyi üçün qürur duyduğunu deyib: "Hesab edirik ki, bu, idman növümüzün inkişafında əhəmiyyətli bir irəliləyişdir və bu təşəbbüs marağı artıracaq, daha dərin anlayış yaradacaq və bütün maraqlı tərəflər üçün daha məlumatlı və maarifləndirici təcrübə təqdim edəcək".
Dünya Minifutbol Federasiyasının prezidenti Filip Cuda isə əlavə edib:
"Gözəl Bakı şəhəri dünyada daha bir yaddaqalan hadisənin mərkəzindədir. Bu oyunu ABŞ, Avropa və Afrikadan olan hakimlərin izləməsi ilə xüsusilə qürur duyuram. Bu, minifutbolun qlobal birliyini və inkişafını bir daha vurğulayır".
İdman.biz
