Idman.biz
Ukraynalı mütəxəssis Andrey Demçenko "Araz-Naxçıvan" klubu ilə hərtərəfli razılığa gəlsə də, hələlik baş məşqçi təyinatı rəsmən açıqlanmayıb.
İdman.Biz futbolinfo.az-a istinadən xəbər verir ki, gecikmənin səbəbi 49 yaşlı çalışdırıcının əvvəlki klubu "Jenis"lə bağlı məsələlərdir.
Belə ki, A.Demçenko ilə Qazaxıstan klubu arasında müqaviləyə vaxtından əvvəl xitam verilib və məşqçi sözləşməsinin müddəti bitənə qədər nəzərdə tutulmuş məvacibinin ödənilməsini tələb edib.
Tərəflərin artıq bu məsələdə ortaq məxrəcə gəldiyi bildirilir. Bu isə o deməkdir ki, Demçenkonun "Araz-Naxçıvan"la tezliklə rəsmi müqavilə imzalaması üçün ciddi problem qalmayıb.
Qeyd edək ki, Andrey Demçenko ilə "Araz-Naxçıvan" arasında 1,5 illik müqavilə planlaşdırılır.
