İdman.biz
Azərbaycan klublarının avrokuboklardakı bombardirlərinin siyahısında dəyişiklik olub.
İdman.biz xəbər verir ki, buna səbəb "Qarabağ"ın futbolçusu Olavio Juninyonun növbəti dəfə fərqlənməsidir.
Braziliyalı hücumçu Çempionlar Liqasının III təsnifat mərhələsinin "Lüdoqorets"lə səfər görüşündə (7:2) qol sevinci yaşayıb. Bu, Juninyonun avrokuboklarda 12-ci qoludur.
O, Ağdam klubunun sabiq legioneri Reynaldonu keçərək 2-ci pillənin tək sahibi olub. Sonuncunun hesabında 11 qol var.
Azərbaycanın avrokuboklardakı rekordçusu 14 qola imza atan Abdullah Zubirdir. Juninyonu komanda yoldaşından cəmi 2 top ayırır.
Qeyd edək ki, Olavio cari mövsümün 4 matçında 6 qola imza atıb. O, digər 6 qolu ötən mövsümdə vurub.
İdman.biz
