Idman.biz
"Təbii ki, milli komandaya dəvət aldığım üçün sevinirəm".
İdman.biz xəbər verir ki, bu sözləri Sport24.az-a açıqlamasında "Zirə"nin qapıçısı Aydın Bayramov deyib.
Qolkiper Azərbaycan yığmasına çağırııması ilə bağlı fikirlərini bölüşüb: "Hamı bu formanı geyinmək istəyir. Azərbaycan millisinin heyətində yer almaq qürurvericidir. Yığmada çıxış etmək daha çox məsuliyyət tələb edir".
O, iyunun 7-də səfərdə Latviya, 10-da Bakıda Macarıstan seçməsinə qarşı keçirəcəkləri yoldaşlıq görüşləri ilə bağlı da fikirlərini bölüşüb:
"Qarşıdakı bizi iki yoldaşlıq oyunu gözləyir. Hazırda zəif rəqib yoxdur. Növbəti iki matçfa yaxşı nəticə qazanmağa çalışacağıq".
İdman.biz
