Sport24.az
"Mövsümə qələbəylə başlamaq istəyirdik. "Səbail" hazırlıqlı, yaxşı komandadı. Düşünürəm ki, bu gün azarkeşlər üçün maraqlı, baxımlı oyun oldu. Sevincliyik ki, yeni futbol ilinə 3 xalla başladıq. Uğurumuzun davamını gətirməyə çalışacağıq". Bu sözləri Sport24.az-a açıqlamasında "Zirə"nin futbolçusu Abbas İbrahim deyib.
Qəsəbə təmsilçisinin nigeriyalı legioneri öz performansı ilə yanaşı, bu həftə keçiriləcək "Osiek"lə oyun barədə də fikirlərini bölüşüb: "Üzərimdə maksimum çalışıb yaxşı formada olmağa, daim start heyətində meydana çıxmağa çalışıram. Həftələr ötdükcə arzuolunan formada olacağıma inanıram. İrəlidə bizi Xorvatiya təmsilçisiylə çətin oyun gözləyir. Amma komanda olaraq nikbinik. Konfrans Liqasında uğurlarımızın ardını gətirmək niyyətindəyik. Odur ki, Xorvatiya səfərindən yaxşı nəticəylə qayıdacağımıza inanıram".
Qeyd edək ki, "Zirə" və "Osiyek" komandaları arasında görüşlər avqustun 8-i və 15-də keçiriləcək. "Qartallar" ilk görüşü səfərdə keçirəcək.
