"Zirə"nin Avropa Liqasının I təsnifat mərhələsindəki cavab oyununun hakimləri bəlli olub.
İdman.biz xəbər verir ki, "Şerif"lə Bakıda keçiriləcək qarşılaşmanı Qazaxıstandan olan ədalət təmsilçiləri idarə edəcək.
İyulun 18-də "Liv Bona Dea Arena"da baş tutacaq matçda Bulat Sariyev fit çalacaq. Ona Denis Labaşov və Yuri Tixonyuk kömək edəcəklər.
Dördüncü hakim funksiyasını Aidin Tassibayev yerinə yetirəcək. Oyun saat 20:00-da başlayacaq.
Qeyd edək ki, iyulun 11-də Tiraspoldakı ilk görüş İsveçrədən olan hakimlər briqadasına həvalə olunub. Alessandro Dudiçin baş hakim olacağı matçda ona Paskal Hirzel və Susann Künq kömək edəcəklər. Dördüncü hakim isə Anoyen Kanaqasinqam olacaq.
İdman.biz