Sport24.az
Konfrans Liqasının II təsnifat mərhələsinin cavab matçında "Hayduk"la qarşılaşacaq "Zirə" Xorvatiyaya 2 itki ilə yollanıb. Sport24.az xəbər verir ki, komandanın iki aparıcı futbolçusu səfər matçına aparılmayıb.
Söhbət mərkəz müdafiəçisi Anje Mutsinzi və yarımmüdafiəçi Brahim Konatedən gedir.
Ruandalı Mutsinzi sənəd probleminə görə bu görüşü buraxmalı olacaq. O, viza ala bilmədiyinə görə Xorvatiyaya gedə bilməyib. Konateni isə zədə səbəbindən səfərə yollanmayıb.
Qeyd edək ki, "Zirə" ilə "Hayduk" arasında Bakıda keçirilən görüş 1:1 hesabı ilə başa çatıb. Komandalar arasında cavab matçı iyulun 31-də Splitdə keçiriləcək və Bakı vaxtı ilə saat 23:00-da başlayacaq.
