Sport24.az
Bu gün UEFA Konfrans Liqasında II təsnifat mərhələsinin cavab oyunları keçiriləcək. Sport24.az xəbər verir ki, təmsilçimiz "Zirə" Xorvatiyada "Hayduk"un qonağı olacaq.
Split şəhərində keçiriləcək matçın start fiti Bakı vaxtı ilə saat 23:00-da səslənəcək. Görüşü Serbiyadan olan hakimlər briqadası idarə edəcək.
"Zirə" bu görüşə iki ciddi itki ilə çıxacaq. Ruandalı məkəz müdafiəçsi Anje Mutsinziyə viza verilmədiyindən cavab qarşılaşmasını buraxmalı olacaq. Brahim Konate isə zədə səbəbindən "qartallar"a kömək edə bilməyəcək.
Qeyd edək ki, cütün qalibi "Atletik Klub d"Escaldes" (Andorra) - "Dinamo Siti" (Albaniya) cütündə üstün olan tərəflə qarşılaşacaq.
Konfrans Liqası
II təsnifat mərhələsi, cavab oyunu
31 iyul
23:00. "Hayduk" (Xorvatiya) - "Zirə" (Azərbaycan)
Baş hakim Danilo Nikoliç (Serbiya)
Split. "Polyud" stadionu
İlk oyun – 1:1
