Sport24.az
"Rəqibin gücünə bələd idik". Bu sözləri Sport24.az-a açıqlamasında "Zirə"nin futbolçusu İsmayıl İbrahimli deyib.
27 yaşlı yarımmüdafiəçi "Sumqayıt"a evdə 3:1 hesabı ilə qalib gəldikləri Misli Premyer Liqasının XXXI turunun oyunu ilə bağlı fikirlərini bölüşüb:
"Matçın belə gərgin keçəcəyini bilirdik. Çox vacib üç xal qazandıq".
İbrahimli qarşıdakı hədəflərindən danışıb: "Məqsədimiz mümkün olan ən yuxarı pilləni tutmaqdır. Çempionat davam edir. "Qarabağ" bu il də çempion olacaq. Hazırda onlarla rəqabət aparmaq çətindir".
O, növbəti mövsümdə Azərbaycan Kubokunda və ya çempionatda qızıl medallar uğrunda oynaya biləcəklərini söyləyib:
"Zirə" hər il titul üçün mübarizə aparır. Niyə də olmasın?"
Müqavilə ilə "Qarabağ"a məxsus olan və icarə əsasında paytaxt təmsilçisində çıxış edən futbolçu gələcək karyerası ilə bağlı danışıb: "Hələlik qarşıda vacib oyunlarımız var. Bu matçlardan sonra klubla danışığımız olacaq".
