Sport24.az
"Zirə"nin futbolçusu Hacıağa Hacılının Sport24.az-a müsahibəsi
- Klubla müqaviləni daha iki il uzatdın. Bu barədə nə deyə bilərsən?
- 2020-ci ildən "Zirə"də çıxış edirəm. Beş il az müddət deyil. Mənim üçüb doğma komandadır. Məhz elə bu səbəbdən karyeramı burada davam etdirəcəyim üçün çox şadam. "Zirə" ilə daha yaxşı uğurlar qazanacağımıza da inanıram.
- Başqa təklifin yox idi?
- Həqiqən bilmirəm. Sözün düzü, "Zirə" variantı olduğu üçün heç digər təkliflərdə maraqlanmadım. Özüm də bu klubda qalmaq istəyirdim.
- Türkiyədəki hazırlıq prosesi necə keçir?
- İyulun 5-də qardaş ölkəyə yollanmışıq. Təlim-məşq toplanışımız normal davam edir. İki yoxlama oyunu da keçirmişik. Ümid edirəm hər şey istənilən səviyyədə olar və toplanışı istədiyimiz kimi başa vurarıq.
- Konfrans Liqasının II təsnifat mərhələsində Xorvatiya təmsilçisi "Hayduk"la üz-üzə gələcəksiniz. Şansları necə görürsən?
- Hazırda elə bu mərhələnin oyunlarına hazırlaşırıq. Biz əlimizdən gələni etməyə çalışacağıq və növbəti raunda yüksəlmək üçün meydana çıxacağıq.
- Səncə, "Zirə"nin hazırkı heyəti bu rəqibi keçəcək gücdədir?
- "Hayduk" güclü komandadır, amma keçilməz də deyil. Sonra istəyimizə çatacağımıza və bu mərhələni keçəcəyimizə inanıram.
