Sportnews.az-ın əldə etdiyi məlumata görə, "Zirə" Futbol Klubu maliyyə çətinlikləri ilə üzləşib və bu, komandanın vəziyyətini çətinləşdirib.
Bildirilir ki, Misli Premyer Liqasının dördüncü pilləsində qərarlaşan klubda, klub rəhbərliyi, uğurlara baxmayaraq, futbolçuların mükafatlarını və yanvar ayı maaşlarını hələ ödəməyib. Bu isə oyunçular arasında kəskin narazılıq yaradıb.
Həmçinin, klub rəhbərliyinin komandanın işini işıqlandıran media qurumlarına qarşı da öhdəlikləri gecikib. Ümumilikdə, Zirənin maliyyə öhdəlikləri təxminən 1,2 milyon manat civarındadır.
Əldə etdiyimiz məlumata görə bir neçə ay əvvəl klub borclu olduğu şirkətlərə ödənişləri edəcəyini desə də, paytaxt təmsilçisi hələ ki, sözünü tutmaqda çətinlik çəkir.
