Sport24.az
Misli Premyer Liqasında 32-ci tur davam edir. Sport24.az xəbər verir ki, bu gün turun daha bir oyunu keçiriləcək.
"Kəpəz" Tovuzda "Zirə"ni qəbul edəcək. Nominal meydan sahibləri hazırda 28 xalla 9-cu, "qartallar" isə 61 xalla turnir cədvəlində ikinci pillədə qərarlaşıb.
Bu gün meydanı qələbə ilə tərk edəcəyi halda Gəncə klubu mövqeyini bir pillə yaxşılaşdıra bilər. Bakıətrafı qəsəbə təmsilçisi isə səfərdən ən azı 1 xalla dönəcəyi təqdirdə həm mükafatçılar arasında olmağı, həm də avrokuboklara vəsiqəni təmin edəcək.
Qeyd edək ki, oyunun start fiti saat 19:00-da səslənəcək.
Misli Premyer Liqası
IV dövrə, XXXII tur
19:00. "Kəpəz" - "Zirə"
Hakimlər: Əliyar Ağayev, Akif Əmirəli, Müslüm Əliyev, Kamranbəy Rəhimov
VAR: Rəvan Həmzəzadə
AVAR: Cəmil Quliyev
Hakim-inspektor: Rəhim Həsənov
AFFA nümayəndəsi: Namiq Əliyev
Tovuz. Şəhər stadionu.
