Sport24.az
Bu gün keçiriləcək bir oyunla Misli Premyer Liqasında I tura yekun vurulacaq. Sport24.az xəbər verir ki, Zirədə baş tutacaq qarşılaşmada avrokuboklarda uğursuzluğa düçar olan iki komanda üz-üzə gələcək.
Qəsəbənin eyniadlı təmsilçisi "Araz-Naxçıvan"ı qonaq edir. Rəvan Həmzəzadənin idarə edəcəyi görüşün start fiti saat 20:00-da səslənəcək.
Qeyd edək ki, ilk turun digər görüşlərində "Karvan-Yevlax" "Qəbələ" ilə "sülh" bağlayıb - 1:1. Eyni nəticə "Neftçi" - Şamaxı" matçında da qeydə alınıb. "Turan Tovuz" səfərdə "İmişli"yə 1:0 hesabı ilə qalib gəlibsə, "Sumqayıt" "doğma divarlar" arasında "Kəpəz"in qapısından 3 cavabsız top keçirib.
