Lent.az
"Fənərbağça" rəhbərliyinin Joze Mourinyo ilə yollarını ayıracağı təqdirdə Zinəddin Zidana təklif edəcəyi iddia edilib.
Son zamanlar çətin günlər yaşayan və bu mövsüm çempion ola bilməyən "Fənərbaxça"da yeni proseslər başlayıb. Komandanın portuqaliyalı baş məşqçisi Joze Mourinyonun gələcəyi qeyri-müəyyən qalsa da, irəli sürülən bir iddia şokedicidir.
Təcrübəli çalışdırıcının Portuqaliya milli komandası ilə anlaşdığı haqda xəbərlər son vaxtlar gündəmə bomba kimi düşsə də, Portuqaliya Futbol Federasiyası Joze Mourinyo ilə bağlı xəbəri dərhal təkzib edib.
Bildirildiyinə görə, "Fənərbaxça"nın rəhbərliyi Mourinyo ilə yollarını ayıracağı təqdirdə Zinəddin Zidanı komandanın başına gətirmək üçün danışıqları davam etdirir. Rəhbərliyin ilk hədəfi olaraq Zinəddin Zidanla görüşəcəyi öyrənilib.
Fransalı məşqçi "Real" prezidenti Florentino Pereslə müzakirələrdən sonra keçirdiyi tükənmişlik sindromu səbəbindən 2021-ci ildən komandanı çalışdırmır. Rəhbərlik 3 Çempionlar Liqasının qalibi olan Zidanı çox istəyir.
