Sport24.az
Əfsanəvi fransız futbolçu və məşqçi Zinəddin Zidan "Qızıl top"un qalibləri Luka Modriç və Kərim Benzemanı çalışdırmağın necə bir şey olduğunu danışıb. Sport24.az xəbər verir ki, o, bu barədə "Sport Bible"yə açıqlama verib:
"Məni yerimdən atılmağa məcbur edən və gərginlikdə saxlayan oyunçular? Bunlar Kərim Benzema və Luka Modriçdir. Siz düşünürsünüz ki, bu oyunçular artıq topu itirəcəklər. Lakin onlar son anda topu özlərində saxlamaqla məni dəli edirdilər. Onlar meydandakı vəziyyəti necə dəyişmək lazım olduğunu bilirdilər".
Qeyd edək ki, "Real" Zidanın rəhbərliyi altında futbol tarixində ilk dəfə ardıcıl üç Çempionlar Liqası titulunu qazanıb. Luka Modriç və Kərim Benzema "Qızıl top"a layiq görülüb.
