Sport24.az
"Yuventus", "Real" və Fransa millisinin yarımmüdafiəçisi, eləcə də "Real" keçmiş baş məşqçisi Zinəddin Zidan 34 yaşında futbolu tərk etmək qərarına gəlməsinin səbəbini açıqlayıb. Məşhur fransalı bu barədə "La Gazzetta dello Sport"a açıqlama verib:
"Vilyarreal" ilə oyundan sonra karyeramı bitirmək qərarına gələndə bu, düşünülmüş addım idi. Artıq səyahət etməkdən və otellərdə qalmaqdan zövq almırdım. Hətta evdə oynayanda belə, hələ də otelə getməli idin. Buna görə də 34 yaşımda peşəkar karyerama son verdim. Fiziki cəhətdən daha iki-üç il davam edə bilərdim, amma bütün bu səyahətlər və məşq məni yormağa başlamışdı".
Qeyd edək ki, Zidan 2021-ci ildə "Real"ın baş məşqçisi postundan ayrıldıqdan sonra işsizdi. Onun gələn il Fransa millsinin "sükanı arxasına" keçəcəyi gözlənilir.
