Idman.biz
Fransa yığmasında gələcək planlar artıq aydınlaşmağa başlayıb. Məlumata görə, dünya çempionatından sonra baş məşqçi Didye Deşam komandadan ayrılacaq və onun yerinə yerli futbolun əfsanəsi Zinəddin Zidan gətiriləcək.
İdman.Biz xəbər verir ki, "Diario AS" nəşri bu qərarın federasiya daxilində razılaşdırıldığını və Zidanın uzun müddətdir gözlədiyi milli komanda layihəsinə nəhayət start verəcəyini yazıb.
Zidan daha əvvəl "Real Madrid"lə qazandığı uğurlarla məşqçilik karyerasında yüksək nüfuz qazanıb və onun Fransa yığmasına gətirəcəyi yeni sistem ölkə futbolunda yeni dövrün başlanğıcı kimi qiymətləndirilir.
Məlumata görə, Deşam mundialdan sonra vəzifəsini təhvil verəcək, Zidan isə AVRO-2028 və daha sonrakı layihələr üçün komandanın sükanı arxasında olacaq
