Idman.biz
"Real Madrid"in keçmiş baş məşqçisi, məşhur fransalı eks-futbolçu Zinəddin Zidan bütün zamanların ən böyük futbolçusu haqqında danışıb.
Bu barədə İdman.Biz "ESPN"ə istinadən məlumat verir.
"Bütün zamanların ən yaxşı oyunçusunun adını çəkməli olsaydım, Braziliya millisinin Ronaldonunu seçərdim. Onun meydanda etdikləri inanılmaz idi. O, rəqibə "mən indi səni aldadacam" deyirdi və bunu edirdi", - Zidan deyib.
Futbolçu karyerası ərzində Ronaldo "Kruzeyro, "Eyndhoven", "Barselona", "İnter", "Real Madrid", "Milan" və "Korintians" kimi klublarda oynayıb. O, "Real Madrid"in heyətində ən çox oyun keçirib – 177 oyunda 104 qol vurub. Sabiq hücumçu Braziliya millisində 99 oyun keçirib, 62 qol vurub və 32 məhsuldar ötürmə verib.
