Idman.biz
Fransa millisinin baş məşqçisi Zinəddin Zidan UEFA Millətlər Liqasında İtaliya və Türkiyəyə qarşı keçiriləcək noyabr oyunları üçün heyəti açıqlayıb.
İdman.Biz xəbər verir ki, 23 futbolçunun yer aldığı siyahıda əsas yenilik "Paris" klubunun yarımmüdafiəçisi Pablo Pajisin ilk dəfə əsas milliyə dəvət almasıdır. O, zədəli Manyes Akliuşu əvəzləyib.
Kilian Mbappe, İbrahima Konate və Orelyen Tçuameni yenidən milliyə qayıdıblar. "İnter"in hücumçusu Markus Türam da Zidanın seçiminə daxil edilib.
Qiyom Rest, Andi Diuf, Jeremi Jake, Leni Yoro və Lukas Da Kunya isə əvvəlki toplanışdan sonra heyətdəki yerlərini qoruyublar.
Fransa millisinin heyəti:
Qapıçılar: Mayk Menyan, Qiyom Rest, Robin Risser.
Müdafiəçilər: Andi Diuf, Malo Qusto, Jeremi Jake, Pyer Kalulu, İbrahima Konate, Adrien Trüffer, Dayo Upamekano, Leni Yoro.
Yarımmüdafiəçilər: Eduardo Kamavinqa, Rayan Şerki, Lukas Da Kunya, Adrien Rabio, Orelyen Tçuameni, Uorren Zair-Emeri.
Hücumçular: Bredli Barkola, Dezire Due, Kilian Mbappe, Maykl Olise, Pablo Pajis, Markus Türam.
Fransa millisi noyabrın 12-də Milanda İtaliyanın qonağı olacaq, ayın 15-də isə Bordoda Türkiyəni qəbul edəcək.
Zidanın komandası A Liqasının birinci qrupunda keçirdiyi dörd oyundan 10 xal toplayıb. Fransa yığmasına 1/4 finala vəsiqəni təmin etmək üçün daha bir xal kifayətdir.
