Sport24.az
"Qarabağ"ın "Elfsborq"la qarşılaşmasından gözləntilərim təmsilçimizin yaxşı oyun nümayiş etdirməsidi. Komandamız bu oyunda qələbə qazana bilsə, yenə də növbəti mərhələ şanslarını qoruyacaq".
Bu sözləri Sport24.az-a açıqlamasında Zaur Həşimov UEFA Avropa Liqasının Liqa mərhələsinin VI turu çərçivəsində keçiriləcək "Elfsborq" (İsveç) – "Qarabağ" matçından gözləntilərindən danışarkən deyib.
Veteran futbolçunun sözlərinə görə, müdafiə xəttindəki itkilər "Qarabağ"ın oyununa təsir göstərəcək:
"Aydın məsələdir ki, rəqib özü də "Qarabağ"la oyuna 3 xal ümidi ilə çıxacaq. Ağdam təmsilçisinin heyətində ciddi itkilər var. Xüsusən də müdafiə xəttində Bəhlul Mustafazadə və Kevin Medianın yoxluğunu qeyd edərdim. Bütün bu amilləri nəzərə alsaq, "Qarabağ"ı çətin oyun gözlədiyini deyə Düzdür, bu mövsüm "Qarabağ" avrokuboklarda oyun baxımdan yaxşı təsir bağışlayır. Amma təəssüf ki, qrupdakı oyunların yalnız birində qələbə qazana bilib. Sabah maraqlı oyunun şahidi olacağıq. "Qarabağ"a uğurlar arzu edirəm".
Qeyd edək ki, dekabrın 12-də keçiriləcək "Elfsborq" – "Qarabağ" oyunu saat 21:00-da (Bakı vaxtı ilə saat 00:00-da) başlayacaq.
